Заменик-министерот за внатрешни работи Нухиу го посети тетовскиот Отсек за управни работи
Заменик-министерот за внатрешни работи Агим Нухиу, денеска го посети тетовскиот Отсек за управни работи и официјално ги промовираше новините во неговото функционирање, чија практична примена стартуваше на 1-ви овој месец и ќе се имплементираат до 31-ви идниот месец.
МВР соопшти дека станува збор за двосменско работење на Отсекот, односно на службите за издавање на лични карти и патни исправи, кое ќе започнува во 8 часот и 30 минути и ќе завршува во 19 часот и 30 минути.
Целта на овие новини кои веќе се применуваат и во Гостивар и во уште неколку градови во земјата, појаснуваат од МВР, е да им се излезе во пресрет на граѓаните, брзо и квалитетно да аплицираат и да ги добијат бараните документи.
- Ова, дотолку повеќе што наскоро на тетовско-гостиварското подрачје се очекува поинтензивно доаѓање на времено вработените во странство, кои во значителен број во летниот период аплицираат за документи и на кои, заради временски ограничениот престој, неопходно им е што побрзо и квалитетно да бидат услужени, стои во соопштението од МВР.
Ново на Сител
-
Најстудено на Попова Шапка, најтопло во Демир Капија
-
МЗТ го доби вечното дерби против Работнички
-
Верстапен триумфираше на спринтерската трка во САД
-
Со цел да го прекине штрајкот, „Боинг“ понуди зголемување на платите за 35 отсто во текот на 4 години
-
Украина лансираше дронови врз Москва и врз западна Русија
-
Иран: Хезболах е одговорен за нападот со дрон врз резиденцијата на Нетанјаху
-
Во Молдавија се одржуваат претседателски избори и референдум за ЕУ
-
Сообраќајот се одвива непречено, по суви коловози