Затекнатите граѓани во Дебар вратени од Бошков Мост, не биле тестирани
Според последните информации од Оператвниот штаб на Дебар, лицата кои беа затекнати во Дебар, на денот на прогласувањето на кризната состојба, поради коронавирусот, а денеска требаше да го напуштат градот вратени се назад од контролниот пункт кај Бошков Мост.
Лицата се вратени назад попладнево поради тоа што имале само потврда од епидемиолог дека се здрави, а не биле тестирани за коронавирус.
На пунктот е побарано да се почитува мерката на Владата што подразбира по поминатите 14 дена во карантин неопходно да им се земе брис, односно да им се направи тестирање.
– Споменатите лица повторно се сместени во хотелските капацитети на „Дебарски Бањи-Цапа“ каде беа изминатите две недели. Планираме да бидат тестирани во текот на утрешниот ден, рече градоначалникот на Дебар, Хекуран Дука, кој раководи со Оперативниот штаб.
Станува збор за 114 лица од неколку градови на земјава, пред се од подрачјето на Река, Општина Маврово и Ростуше, како и од Косово, Србија, Бугарија и Шведска.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден