Затворска казна за уште еден обвинет кој издавал лажни пасоши
Уште еден обвинет случајот "Двојник" кој на почетокот на денешното судење призна вина, доби затворска казна. Шемседин Јашари е осуден на една година и 7 месеци затвор. Доби и забрана за извршување на професијата во следните 10 години. Осудениот веќе издржува казна затвор за друго кривично дело. Пред два дена признаа вина и затворски казни добија:
Денис Баруфи 2 год. 7 месеци;
Ален Личина 2 год. 3 месеци;
Раиф Мифтари 2 год. 3 месеци;
Ѓорѓе Велков 2 години;
Фарук Биља 6 месеци условна казна затвор.
Според судот, сторителите како овластени лица во МВР биле должни да влеваат доверба во системот, а не истите да го прекршуваат.
Со цел да прибават имотна корист, како што се наведува во пресудата, обвинетите, издавале документи со туѓ идентитет на лица со дебело криминално досие и барани со меѓународни потерници. На обвинителна клупа остануваат уште 4 лица.
Елена Милошевска
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд