Заврши 12. меѓународна ликовна колонија „Де Ниро“-Битола
Со изложба на уметници од Италија, Србија, Велика Британија, Полска, Словенија, Црна Гора, Бугарија и Македонија, синоќа во Битола заврши 12. издание на меѓународната ликовна колонија „Де Ниро 2016“.
Учесниците на колонијата, Паоло Чампини од Италија, Александар Педовиќ и Никола Стојановиќ од Србија, Тери Чип-Велика Британија и Катрина Садрак Велика Британија-Полска, Драган Мијач од Црна Гора, Маша Гала од Словенија, Страхил Ненов од Бугарија, Решат Амети, Сергеј Андреевски и Димитар Петковски од Македонија и Диме Темков Македонија-Словенија, сликаа во Битола, Охрид, Крушево и во преспанското село Курбиново.
- Уметниците создадоа 40 нови уметнички дела, најголем дел работени во акрил и масло на платно, истакна Драги Филевски, домаќин и организатор на колонијата.
Филевски посочи дека меѓународната ликовна колонија „Де Ниро“-Битола во изминатиот период има организирано 38 изложби во Македонија и надвор од Република Македонија.
- Кон крајот на оваа 2016 година и почетокот на 2017 година ќе организираме изложби со годинешните дела, а паралелно подготвуваме заеднички проект со Меѓународната ликовна колонија „Буљарица Арт“ од Црна Гора, рече Филевски.
Ново на Сител
-
ЦУК: Седум пожари и 1.837 повици на 112 во последното деноноќие
-
СДСМ: Минималната плата мора да продолжи да расте, го поддржуваме ССМ во барањата
-
Убиство во Тетово
-
Алтернатива ќе избира претседател на партијата
-
Четврто собрание на Алијансата на Албанците
-
Хамас го прифати предлогот за преговори за ослободување на израелските заложници
-
Евакуирани речиси 5800 луѓе поради пукање на брана во Кина
-
Бајден: Само Господ може да ме отстрани од претседателската трка