Заврши седмиот детски ликовен камп „АСНОМ“ во во Старо Нагоричане
Заврши седмиот детски ликовен камп „АСНОМ“, на кој учествуваа 40-тина ученици од основните училишта од Куманово.
Учениците изработија 150-тина дела во различни техники на кампот кој траеше три дена во комплексот „Етно село“ во Старо Нагоричане. Учениците и нивните ментори, професори по ликовна уметност денеска добија благодарници и признанија за учеството од градоначалникот на општина Куманово Зоран Дамјновски и организаторите, Фондацијата за култура и спорт.
Манифестацијата има за цел да го поттикне уметничкиот дух и креативноста кај децата и секоја година е се повеќе популарна меѓу младите уметници.
Директорот на Фондацијата Нино Величковски изјави дека досега на кампот учествувале голем број ученици од сите основни училишта во градот.
- Продукцијата е одлична, дел од овие ученици се креативни и ќе се запишат во средно и на факултетите за ликовна уметност. Тоа е нашата цел, да продуцираме квалитетни кадри, изјави Величковски. И дел од корисниците од двата дневни центри и годинава учествуваа на оваа манифестација.
Градоначалникот Зоран Дамјановски посочи дека општината ќе продолжи да вложува во уметноста.
- Станува збор за традиционален камп кој потврдува дека Куманово е препознатливо во ликовната уметност бидејќи во градот се оддржуваат бројни колонии. Делата ќе бидат понудени на продажна изложба, а собраните средства ќе бидат донирани на дневните центри. Кампот е извор на талентите од градот во ликовната уметност и ќе продолжиме да го поддржуваме, изјави Дамјановски.
Професорот по ликовна уметност Симона Јакимовска објасни дека учениците изминатите денови работеле на слободна тема, во различни техники, акрил на платно и скулптура.
- Ова се талентирани деца кои сакаат да работат и да учат нови техники, изјави Јакимовска.
Ново на Сител
-
Му упаднал дома го истепал и му го украл телефонот, уапсен велешанец
-
Украина: Уништени 12 проектили и 31 беспилотно летало за време на руските воздушни напади ноќеска
-
ИОМ: Повеќе од 670 загинати во лизгање на земјиштето во Папуа Нова Гвинеја
-
Герапетритис: Договорот од Преспа не предвидува еднострано менување или поништување
-
ВМРО-ДПМНЕ: Се уште нема конечен договор со ЗНАМ
-
Најмалку 12 загинати и 43 повредени во рускиот напад на хипермаркет во Харков | ВИДЕО
-
Стоилковски: Дали причина за хаосот на Хирургија е системот за компримираниот воздух или има бактерија МРСА
-
ОJO ќе го истражува неработењето на хируршките сали на Клинички