Завршува „Златна лира 2017“ со доделување награди

Годинашниот Фестивал на музичките уметници на Македонија „Златна лира 2017“ ќе заврши вечер со доделување награди.

Сопарнистката Марија Муратовска Наумовска ќе ја добие наградата за животно дело, а флејтистот Страшо Темков е награден за врвни уметнички достигнувања.

Фестивалот ќе го затворат виолинистот Момчило Куфојанакис и пијанистката Весна Ангелова-Христов. На програмата на вечерашниот нивни концерт во Музеј на Град Скопје од 20 часот се дела од Бах, Корели, Дебиси, Вјењавски.

Оваа година тие заедно имаа целовечерен рецитал и во Македонскиот културен центар во Њујорк.