Зејн Малик сними едиторијал за „Џи-Кју“

Откако го напушти бој бендот „Уан Дирекшн“, Зејн Малик започна успешна соло кариера, а за него дополнително почна да се говори откако започна врска со манекенката Џиџи Хадид.

За да не остане покусо од својата девојка, Зејн се впушти и во манекенските води, па сними едиторијал за новиот број на магазинот „Џи-Кју“, на кој може да се види дека некогашната тинејџерска ѕвезда, сега станал вистински маж.

На серијата фотографии Зејн не пропушти ни да ги покаже мноштвото тетоважи по неговото тело, од кои, како што тврди, станал зависник.

Во интервјуто за „Џи-Кју“ Зејн вели дека точно знае што сака и едноставно не прифаќа компромиси, било да станува збор за љубовниот живот, било за музиката.  

Зејн ја започна врската со Џици на почетокот на годинава, а пред тоа беше верен со неговата колешка Пери Едвардс. Веридбата меѓу Зејн и Пери беше раскината некаде во исто време кога пејачот ја напушти групата „Уан Дирекшн“.