Зеленски бара легализација на истополовите бракови
Украинскиот претседател Володимир Зеленски синоќа побара од Владата да го анализира прашањето за легализација на истополовите бракови, но нагласи дека таква одлука не може да се донесе додека трае војната што ја започна Русија.
Киев ја зајакна поддршката за правата на ЛГБТК+ заедницата откако прозападните лидери дојдоа на власт во 2014 година. Парламентот во 2015 година донесе Закон за забрана на дискриминација на работното место, но не и за легализација на истополовите бракови.
„Побарав од премиерот (Денис) Шмихал да го реши прашањето покренато во електронската петиција и да ме информира за релевантните одлуки“, соопшти Зеленски како одговор на иницираната петиција.
Во современиот свет, рече Зеленски, земјата ги покажува своите демократски вредности со тоа што на сите им гарантира исти права.
Сепак, тој истакна дека украинскиот Устав го дефинира бракот како заедница на маж и жена и нагласи дека тоа не може да се промени во воено време.
Според истражувањето спроведено минатата година 47 отсто од Украинците имаат негативно мислење за ЛГБТК+ заедницата.
Популарно од Свет
Ново на Сител
-
Тема на денот со Венко Филипче, лидер на СДСМ
-
Филипче бара извинување од Мицкоски, премиерот ја нарече одлуката на обвинителството скандалозна
-
Опозицијата поделена по понудата за предвремени избори
-
Во Скопје детектирани 13 високо ризични места за ширење на западно-нилскиот вирус
-
Прекината епидемијата во Гостивар
-
Чадот од пожарите го загрозува здравјето - најчувствителни се децата и хронично болните
-
Училишниот прибор ќе поевтини до 15 проценти, Владата ќе носи одлука во вторник
-
Пораст на просечната плата за 6,4% годишно, пензиите од септември повисоки за 6 отсто
