Зеленски: Путин е безвреден лидер
Украинскиот претседател Володимир Зеленски го нарече Владимир Путин „безвреден“ лидер поради неговата реакција за нападот врз комплексот на концертната сала „Крокус“ во предградие на Москва.
Украинскиот претседател го прозва Путин дека „молчеше еден ден“ пред лажно да ја обвини Украина во „целосно предвидлив“ потег.
Зеленски му предложи на Путин да ги искористи илјадниците Руси, кои умираат на украинска територија, да ги запрат терористите дома.
„Тие донесоа стотици илјади свои терористи овде, на украинска територија. Тие се борат против нас и не им е грижа што се случува во нивната земја“, рече тој.
„Сето ова се случи вчера, а овој безвреден Путин, наместо да се занимава со граѓаните на Русија, да им се обраќа, молчеше еден ден – мислејќи како да го поврзе со Украина. Сè е сосема предвидливо. Стотици илјади Руси кои во моментов умираат на украинско тло сигурно ќе бидат доволни за да ги запрат сите терористи“, заклучи украинскиот претседател Володомир Зеленски во реакцијата на терористичкиот напад во Москва и обвинувањата од рускиот претседател и руската служба за безбедност (ФСБ) дека Украина имала конекции со терористите.
Ново на Сител
-
Маж со автомобил прегазил жена во Чаир
-
Украдени документи и компјутери од Управата за матични книги во Прилеп
-
Струмица: „Фиат“ удрил во електричен тротинет, повредено едно лице
-
Приведен бегалец од затвор баран со потерница
-
Почина пациентот на кој за прв пат во светот му беше трансплантиран бубрег од свиња
-
Македонија оди на сè или ништо против Фарски Острови
-
Трговски центар во Варшава со 1.400 продавници изгоре во пожар | ВИДЕО
-
Укината пресудата за пожарот во модуларната болница во Тетово: Директорите на ново судење, докторот Вучевски на слобода