Зеленски: Украина извезува електрична енергија во Европската унија
Украинскиот претседател Володимир Зеленски изјави дека преносот на електрична енергија во Романија е почеток на процес кој може да и помогне на Европа да ја намали зависноста од руските јаглеводороди.
Зеленски ова го изјави во ноќната видео порака по најавата на премиерот Денис Шмухал дека извозот започнал претходно во текот на денот, во износ од 100 мегавати, четири месеци по почетокот на руската инвазија на Украина.
„Почетокот на извозот е уште еден значаен чекор во нашето движење кон Европската унија“, рече Зеленски.
Тој додаде дека „благодарение на украинската електрична енергија, значителен дел од рускиот гас што го користат европските потрошувачи може да се замени“.
„Затоа, ова не е само прашање на заработка од извоз за нас, туку прашање на безбедност за цела Европа“, рече Зеленски, потсетувајќи и на поврзувањето на Украина со заедничкиот енергетски систем на ЕУ.
Во средината на март, Украина постигна договор за приклучување кон Европската мрежа на преносни систем оператори за електрична енергија (ENTSO-E) како набљудувач, откако нејзината мрежа ќе се поврзе со мрежата на ЕУ.
ENTSO-E неделава објави дека се завршени подготовките за првиот извоз од Украина, заедно со електрична енергија од Молдавија, почнувајќи од 30 јуни, користејќи интерконекција со Романија.
Наскоро ќе следи и тргување со електрична енергија на други интерконекции меѓу Украина и Словачка, Украина и Унгарија, како и меѓу Молдавија и Романија. Во првата фаза капацитетот со кој ќе се тргува ќе биде поставен на 100 мегавати.
Во претходна најава, премиерот Шмихал рече дека извозниот потенцијал на Украина во Европа ќе достигне 2,5 гигавати.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп