Земан планира да средината на јуни повторно да го именува Бабиш за премиер

Чешкиот претседател Милош Земан изјави дека до средината на јуни планира по вторпат да го именува бизнисменот Андреј Бабиш за премиер.

- Ќе го именувам Андреј Бабиш за премиер пред 15 јуни, изјави Земан за чешка телевизија.

Партијата АНО на Бабиш постигна коалициски договор со Социјалдемократската партија, кој ќе стапи во сила кога ќе го потврдат членовите на СДП на интерен референдум закажан за 15 јуни.

Земан првпат го именуваше Бабиш за премиер во декември минатата година, меѓутоа неговата малцинска влада не го помина гласањето во Парламентот.

Бабиш побара втор мандат од Земан за да се обиде да добие доверба и да стане премиер.

Тој рече дека доколку договорот со социјалдемократите пропадне, предвремени избори ќе бидат одржани следната пролет. Земан е против тие избори.