Земени мостри од бачилото во гостиварското село Симница
Ветеринари од Агенцијата за храна и ветеринарство во соработка со надлежното ветеринарно друштво и стручни лица од Факултетот за ветеринарна медицина вршат контрола на одгледувалиштето за овци во гостиварското село Симница со цел утврдување евентуално присуство на заразна болест кај добитокот и евентуална причина за појава на болест од која две лица починаа, а уште седум се лекуваат на Клиниката за инфективни болести во Скопје.
Агенцијата за храна и ветеринарство соопшти дека земени се мостри за лабораториско испитување од добиточната храна и водата во одгледувалиштето, како и од производите од млеко и сирење кои се произведуваат во бачилото. Земена е и крв од овците за дијагностичко испитување со цел утврдување на евентуалниот причинител на заразата.
На одгледувалиштето зголемени се и биосигурносните мерки, а во текот на денот ќе биде извршена и комплетна дезинфекција и дератизација.
- Заради спречување ширење на евентуална зараза, изречени се мерки за забрана за движење на стадото и обврска за задолжително пријавување на евентуално заболени или угинати животни до надлежното ветеринарно друштво, се наведува во соопштението од АХВ.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи