Земјата се уште се тресе - Земјотрес со интензитет од 5,6 степени

според Рихтеровата скала ја погоди денеска североисточна Јапонија, во близина на нуклеарната централа „Фукушима-1“, соопшти јапонскиот Геофизички институт.

Не постои ризик од цунами. Земјотресот се случил во 16:49 по локално време во заливот на Фукушима, а тој е почувствуван и во Токио. 

Поради прекин на електричната енергија, предизвикан од земјотресот и со цел проверка на железничките линии, беа сопрени супербрзите возови.

Засега нема податоци за жртви и за материјална штета. 

Во нуклеарната централа „Фукушима-1“ не се регистрирани аномалии како резултат на земјотресот. 

На 11 март пред шест години силен земјотрес ја погоди зоната и предизвика гигантско цунами, при што загинаа 18.500 лица и беше предизвикана нуклеарна катастрофа во „Фукушима-1“.

Во април минатата година имаше два силни земјотреса во регионот на Кумамото, во југоисточниот дел на земјата. Тие беа проследени во 1.700 вторични потреси. Педесетина лица загинаа, а штетите беа големи.