Земјотреси ја разбудија Македонија

Изминатата ноќ повеќе земјотреси се регистрирани во Македонија.

Регистриран е потрес од 2,5 степени по рихтеровата скала, на длабочина од 2 километри, а со епицентар во Охрид.

По овој потрес, регистриран е уште еден со јачина од 2 степени по Рихтер, повторно со епицентар во охридското подрачје. Овој потрес бил на длабочина од 1 километар.

Инаку, потресите во охриското подрачје се разретчија, откако периодов цела серија силни потреси, од кои најсилниот од 5 степени, ги паничеа граѓаните.

Пријавени беа многу штети, а жителите не се враќаа дома од страв и ноќите ги поминуваа под отворено небо.