Земјотреси во Истанбул

Земјотрес со јачина од 4,7 степени го погоди денеска југозападниот дел на Истанбул.

По него имало и втор земјотрес со иста јачина.

Првиот земјотрес во 11 часот е регистриран на длабочина од околу 10 километри во Мраморното Море, а вториот во реонот на Силиври, исто така во Мраморното Море.

Засега нема извештаи за загинати или материјална штета.

Само неколку минути подоцна, земјотрес со јачина од 5,7 степени беше регистриран на 130 километри јужно од грчкиот остров Крит во Средоземното Море. Земјотресот бил на длабочина од 10 километри.