Зголемен бројот на мигранти во транзитниот центар Гевгелија
Бројот на мигрантите кои преку Грција пристигнуваат во прифатно транзитниот центар Гевгелија денеска се зголеми во однос на изминатите два дена.
Според информацијата од регионалниот центар за управување со кризи Гевгелија, изминатото деноноќие се пропуштале помали групи бегалци од Сирија и Ирак чиј што број моментно изнесува 140.
Министерот за внатрешни работи на Македонија, Оливер Спасовски, при денешната посета на кампот потврди дека со грчките колеги се остварува добра соработка и оти пред некој ден имало состанок на директорско ниво заради договарање и координирање на соработката. На другата страна на граничната линија денеска беше видливо и зголеменото присуство на грчки полицајци кои во поголем број пристигнале во кампот кај Идомени по инцидентот што се случи пред два дена.
Според проценката на ЦУК и невладините организации и активисти, на грчка територија на просторот меѓу Идомени и Поликастро се наоѓаат десетина илјади мигранти кои со денови чекаат да ја минат границата и строгите мерки за утврдување на идентитетот кај граничниот камен 59.
Инаку, на потегот од граничниот камен до гевгелискиот камп, припадниците на АРМ ги изведуваат завршните работи за оградување со жица на патеката долга 650 метри по која мигрантите се упатуваат во ПТЦ Гевгелија.
Ново на Сител
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени