Жители на Доњецк протестираа пред канцелариите на ОБСЕ

Голем број жители на Доњецк протестираа денеска пред канцелариите на ОБСЕ во најголемиот град што е под контрола на бунтовниците во Украина жалејќи се дека набљудувачката мисија во конфликтот е неефикасна.

Демонстрантите носеа транспаренти со повици до ОБСЕ „да ги отворат очите“ и да „зборуваат вистина“.

Од април 2014 година во конфликтот во источна Украина меѓу владините сили и сепаратисти поддржани од Русија загинаа над 9.800 луѓе. Во почетокот на февруари се засилија нападите во околината на Доњецк.

Шефот на ОБСЕ во Доњецк, Олга Скриповска изјави дека било невоизможно невооружен персонал да стигне во реон во  градот што бил под снајперски оган.