Зошто Санчез не замина за САД?!

Играчот на Манчестер јунајтед, Алексис Санчез, поради проблеми со визата, не отпатува со клубот на турнејата во САД.

Јунајтед на американската турнеја ќе одигра пет натпревари, на кои Санчез, веројатно, нема да настапи. Клубот потврдил дека Чилеанецот не е со екипата поради „лични административни проблеми“.

Според британските медиуми, тој не добил воза за влез во САД поради проблемите со неплаќањето данок, што ги имаше во Шпанија.

Обвинувањата дека не платил данок во Шпанија се од сезоната 2012/2013, во кој тој период Санчез играше за Барселона.

Подоцна тој се спогодил со шпанските власти, ја уплатил сумата што ја должел и прифатил 16-месечна затворска казна. Чилеанецот не ја издржа казната бидејќи таа била помала од двегодишна казна.

Манчестер јунајтед во САД ќе игра против Клуб Америка, Санта Клара, ЛА, Детроит и Мајами.