Хоспитализиран претседателот на Чешка од засега непознати причини
– Претседателот на Чешка Милош Земан (77) денеска беше пренесен, од засега непознати причини, во воената болница во Прага, каде, по игра на случајот, се наоѓа и поранешниот претседател Вацлав Клаус поради проблем со висок крвен притисок.
Воената болница потврди дека Земан е хоспитализиран, но одби да коментира зошто и да ги потврди неофицијалните информации од весникот Право, дека ќе биде потребно подолго лекување, пренесува Бета.
Портпаролот на Земан, исто така, одби да даде каков било коментар за медиумите, додека неговиот советник Мартин Нејдли рече дека наводно слушнал дека претседателот закажува редовна контрола.
Чесите немаат целосни и детални информации за здравствената состојба на нивниот претседател, освен дека има дијабетес и невропатија во нозете, што му отежнуваше со години да се движи, а од април годинава е во инвалидска количка.
Клаус (80), кој е еден од главните противници на вакцинацијата, покривање на лицето и други санитарни мерки во пандемијата на Ковид-19 се зарази кон крајот на февруари, а во текот на викендов не се чувствувал добро.
– Му беше лошо иза време на прегледот констатирано е дека има висок крвен притисок. Сега чека дополнителни тестови во болницата, изјави портпаролот на Клаус, Петр Мацинка.
Ново на Сител
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови
-
Возило излетало од коловозот на патот Македонска Каменица - Виница, возачот починал