Меркел повика на забрана за носење бурки во Германија
Германската канцекарка Ангела Меркел денеска повика на воведување на забрана за носење бурки во Германија, нагласувајќи дека таа поддржува општа забрана за прекивање на лицата.
- Прекривањето на лицата мора да биде целосно забрането, секаде каде што е тоа можно законски, изјави Меркел во обраќањето на Конгресот на нејзината Христијанско демократска унија (ЦДУ), што се одржува во германскиот град Есен.
Ваквата изјава на Меркел, како што јавија германските медиуми, предизвика громогласен аплауз на присутните делегати и гости на Конгресот на ЦДУ.
Меркел натаму во своето обраќање нагласи дека е решена во својот став да не дозволи повторување на нов мигрантски прилив во Германија, сличен на оној од минатата година.
- Таква состојба не смее да се повтори. Тоа беше и остана наша и моја политичка цел, порача Меркел.
На Конгресот на ЦДУ се очекува Меркел да биде резибрана за лидер на партијата за наредните две години.
Иако Меркел е единствен кандидат за лидер на ЦДУ, гласањето сепак претставува тест за ставот на членството на партијата кон неа.
Во текот на претходната година, ЦДУ се соочи со тензии поради пристапот што го имаше Меркел кон бегалската криза, но и по низата лоши резултати на регионалните избори.
Германската канцеларка за телевизијата АРД во пресрет на Конгресот изјави дека очекува „пристоен резултат“. Таа пред две години доби поддршка од 96,7 отсто од делегатите, што претставува еден од нејзините најдобри резултати.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола