Објавена книгата „Тиркиз во лето“ на Марина Мијаковска
Во издание на Културниот центар „Бран“ од Струга, излезе од печат најновата книга, „Тиркиз во лето“, книга со хаику поезија на Марина Мијаковска.
Поделена во четири циклуси: „Бел цвет во пролет“, „Тиркиз во лето“, „Злато во есен“ и „Сребро во зима“, книгата изобилува со естетски стегнати лирски минијатури – хаику песни, каде боите на поетските записи се прелеваат како бранови на живиот свет и светлината низ годишните времиња; Од морски ѕвезди/Виножито во море/Заспани бои, е една од 160-те песни.
По неколкуте објави на поетски книги верификувани со повеќе награди: „Караманов, „Крсте Чачански“ и други, Марина Мијаковска овој пат пред пошироката читална се претставува со нов стил во пеењето – хаикуто, што на читателот му доаѓа левтерно, како што таа пее во првиот стих од првата песна во четвртиот циклус „Сребро во зима“, „Пердув од птица“.
Инаку, Марина Мијаковска досега ги има објавено поетските книги: „Номадска душа (2010); „Куфери“(2012), и „Психоаналитичка алхемија од страсти“(2013), и книгата раскази „Куќички“ со која ја доби наградата „Крсте Чачански“ во 2014 година. Член е на ДПМ и добитник на повеќе награди и признанија.
Ново на Сител
-
Просечната нето плата во март 40 496 денари
-
Милевски го објави списокот за натпреварите против Хрватска и Чешка
-
Спречен влез на 1,7 тони медикаменти штетни по здравјето на граѓаните
-
Кина најави санкции за американски одбранбени компании
-
Променливо и нестабилно време и во наредните денови
-
До 11 часот на гласање излегле 16,46 отсто од гласачите во седумте избирачки места каде се прегласува
-
Избувнал пожар во женското одделение во затворот „Идризово“
-
Велигденов: Вработените во подружниците на Македонска пошта протестираат, на 7 јуни ќе организираат штрајк