Продолжува доделувањето на субвенции за чистење на оџаците во Скопје
Градските власти информираат дека продолжува акцијата за доделување субвенции за чистење на оџаците за намалување на загадувањето на амбиентниот воздух.
И годинава е објавен јавниот повик за субвенционирање на домаќинства и на други субјекти на подрачјето на Град Скопје за чистење на оџаци за 2020 година. Предвидени се субвенции во нето износ најмногу до 1.200 денари.
До овој момент, како што информираат од Градот, пристигнати се 34 барања за субвенции, а со јавниот повик ќе бидат опфатени исчистените оџаци од 1 јануари 2020 година. Повикот трае до 30 ноември 2020 година.
Повеќе информации за јавниот повик граѓаните можат да добијат на следната интернет врска – https://skopje.gov.mk/media/
-Целта на овој проект што Град Скопје го реализира континурано е намалување на загаденоста на амбиентниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците, соопшти Град Скопје.
Мерката, како што се наведува во соопштение, има цел да постигне краткорочни и некои подолгорочни ефекти, како што се постигнување на подобро согорување, намалување на штетните отпадни гасови, појава на саѓи и трошоците за затоплување, како и подигнување на јавната свест кај граѓаните за потребата за чистење на оџаците.
Град Скопје оваа мерка ја реализираше и во 2018 и 2019 година, кога беа доделени вкупно 634 субвенции.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците