Први разговори на Единбург и Лондон за Брегзит
Британскиот министер за Европа, Дејвид Лидингтон разговараше во Единбург со претставници на шкотската влада околу излегувањето на Велика Британија од Европската Унија.
Во разговорите станало збор за намерата на Лондон, шкотската влада да биде вклучена во подготовките за преговорите со Брисел околу раздружувањето на Британија и ЕУ.
Ова се првите директни разговори на британската и на шкотската влада околу Брегзит, по референдумот од 23 јуни, на кој мнозинството од Британците се определија за напуштање на Унијата.
Во Шкотска, меѓутоа, големо мнозинство од гласачите- 62 : 38 гласаа против Брегзит и за останување на нивната земја и Британија во ЕУ.
По разговорите, министерот Лидингтон изјави дека „не верува во можноста Шкотска да обезбеди специјален договор со Брисел“ за да остане дел од ЕУ, иако Велика Британија ќе биде надвор од Унијата.
Според британскиот министер, постои јасна правна позиција за тоа дека Велика Британија мора да ја напушти ЕУ.
Тој признава дека му жал поради таквиот развој на работите, но вели дека резултатот од референдумот мора да се почитува.
- Британија мора да замине (од ЕУ) пред вие да може да барате да останете во Унијата. Освен тоа, Шпанија веќе се огласи дека нема да дозволи еден таков статус на Шкотска, рече Лидингтон во Единбург.
Шкотскиот прв министер Никола Старџен ги отфрли ваквите толкувања на британскиот министер за Европа.
- Сериозно преурането би било отфрлањето на која било опција за Шкотска, изјави Старџен.
Таа потсети дека Шкотланѓаните гласаа за останување во ЕУ, па дека таа ќе стори се што треба за да се испитаат сите можности околу тоа.
Ново на Сител
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот
-
76-годишник почина откако се превртел со трактор
-
Иранска армија: Хеликоптерот на Раиси не бил нападнат, се запалил по падот
-
Политико: Колапс на напорите да се задржи ултрадесницата надвор од власт во ЕУ
-
Косовската опозиција со резолуција бара оставка на Курти и распуштање на Собранието
-
Сиљановска Давкова: Кирил го вградил не само својот живот, туку и нашиот во Европа и тоа мора да го почитуваме