Словачката полиција уапси осомничени за убиството на новинарот Јан Куцијак
Полицијата во Словачка денеска приведе осомничени за убиството на новинарот Јан Куцијак и неговата свршеница Мартина Кушнирова.
Информацијата ја објави Словачкото радио, според кое, акцијата почнала рано утрово и се уште е во тек.
- Полициски специјални сили уапсија осомничени за злосторството. Во моментов се спроведуваат претреси во нивните домови, потврди на Фејсбук прес-службата на полицијата, без да соопшти детали.
Јан Куцијак (27) беше застрелан на 21 февруари заедно со неговата свршеница Мартина Кушнирова во селото Велка Мача, западна Словачка. Новинарот откри корупциски шеми во владејачките структури на земјата и објави дека двајца високи функционери од владини служби контактирале со италијанската мафијашка група „Ндрангета“. Тоа предизвика општествено - политичка криза во земјата. Премиерот Роберт Фицо поднесе оставка и на негово место дојде Петер Пелегрини.
Смртта на словачкиот новинар беше петтото убиство на новинар во земја-членка на ЕУ во последните 10 години.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња