Струмица пулсира во ритамот на карневалот
Од вечерва градот под Царевите Кули целосно влегува во карневалската еуфорија.
Со карневалската забава и дружење на гостите од странство со преставници на карневалскте групи од Струмица, која почнува во 18 часот и одржувањето на традиционалниот маскенбал во Хотелот „Сириус“ со почеток во 21 часот, на кој се избираат принц и принцеза на Струмичкиот карневал, градот почнува да се тресе во ритамот на карневалот.
Токму маскенбалот е првиот барометар за понудата на маски и нивниот квалитет за главниот настан-Интернационалната карневалска вечер, која се одржува утре.
-Маскенбалот е загревање за главната карневалска вечер, на која годинава имаме и неколку изненадување, како што е една група од Германија, која ќе изведе огнено шоу пред пристигнувањето на поворката, а тука се и гостите од холандскиот остров Аруба. Тие по завршувањето на интернационалната вечер ќе ги повикат сите да се придружат на плоштадот на така наречената „Ноќ на Аруба“ и заедно со звуците на карибската музика ќе направат одлична забава. Се надевам дека временските услови ќе бидат на наша страна и планираната програма во целост ќе ја реализираме, вели Александар Цицимов, претседател на Организациониот одбор на Струмичкиот карневал.
На утрешната Интернационална карневалска вечер ќе учествуваат околу две илјади учесници распоредни во 41 групи од земјава и странство.
Жири комиисијата ќе ги оценува нивните креации, а за најдобрите во повеќе категории се предвидени парични награди.
Ново на Сител
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори