СЗО: Делта сојот најмногу циркулира во области каде има помалку вакцинирани
Циркулацијата на делта варијантата на коронавирус во области со ниска вакцинација го поттикнува ширењето на Ковид-19 низ целиот свет, соопштија денеска претставници на Светската здравствена организација.
– Во многу места во светот каде што има се повеќе заразени со делта варијантата на коронавирус, дури и во земји кои имаат високо ниво на вакцинација на национално ниво, делта сојот навистина циркулира и се шири во области со мала покриеност со вакцини, и постои многу ограничена и неконзистентна имплементација на јавните здравствени и социјални мерки, изјави епидемиологот на СЗО, Марија Ван Керхове на онлајн прес -конференција.
Според главниот научник на СЗО, Сума Сваминатан, „вакцините без сомнение спречуваат зголемување на бројот на тешки и смртни случаи како последица на делта варијантата на коронавирусот“.
Таа рече дека податоците во моментов не упатуваат дека е неопходно довакцинирање против Ковид-19. СЗО смета дека најранливите луѓе насекаде во светот треба прво целосно да се вакцинираат, а дури потоа во богатите земји треба да се започне со довакцинација на граѓаните.
Ново на Сител
-
Владина делегација положи цвеќе на партизанските гробишта во Бутел, во чест на 9 Мај
-
Српските медиуми за изборните резултати и победата на ВМРО-ДПМНЕ и Гордана Сиљановска Давкова
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ