13-годишник нападнат од родител на негов соученик во Аеродром, заврши во болница

Тринаесетгодишно момче од Скопје било пренесено во Градската општа болница „Св. Наум Охридски“ откако било физички нападнато на подрачјето на Општина Аеродром.

Од Министерството за внатрешни работи информираат дека случајот бил пријавен вчера, 25 септември, во 15:38 часот во СВР Скопје, откако детето било донесено во болницата со повреди.

Според пријавеното, нападот се случил околу 12:20 часот, а во него учествувал С.Р., кој е родител на еден од соучениците на 13-годишникот.

Од МВР велат дека се преземаат дополнителни мерки и активности за целосно расчистување на случајот.