42 годишна мајка ја подведувала малолетната ќерка на проституција во Свети Николе

42-годишна жена од Свети Николе цели четири години за пари ја подведувала сопствената малолетна ќерка на проституција, соопшти полицијата.

„Надворешната канцеларија за криминалистички работи Свети Николе поднесе кривична пријава против Љ.Н.(42) од Свети Николе, поради постоење основи на сомнение за сторено кривично дело „запуштање и малтретирање на дете”.

Пријавената, во периодот од 2020 до 24.10.2024, ја наведувала нејзината малолетна ќерка на проституција, за што добивала паричен надомест“, се вели во полициското соопштение.