АБА лига: Дреновац во ТОП 5 на колото

Кошаркарот на МЗТ Скопје Аеродром, Ѓорѓе Дреновац, со собрани 22 индексни поени обезбеди место во најдобрата петорка на 9.коло од регионалната АБА лига.

Дреновац на дуелот со Црвена Звезда вчеравечер во поразот на МЗТ Скопје учествуваше со 19 поени и пет скокови за 32 минути поминати на паркетот, доволни за играчот на македонскиот шампион по вторпат оваа сезона да се најде во ТОП 5 на колото.

МВП е Анте Жиќиќ од Цибона.

ТОП 5 на 9.коло во АБА лигата:

1.Анте Жижиќ (Цибона) 30 индексни поени,

2.Анте Делаш (Задар) 27,

3.Стефан Јовиќ (Црвена звезда) 26,

4.Брајан Џејмс Флоренс (Цибона) 23,

5.Ѓорѓе Дреновац (МЗТ Скопје Аеродром) 22.

Тој со своите 19 поени е и петти стрелец во колото, додека Марко Љубичиќ со 5 асистенции е на делба на 4.место.