АБА: МЗТ Скопје загуби од Игокеа

Кошаркарите на македонскиот шампион МЗТ Скопје претрпеа нов пораз откако попладнево на гостувањето во Лакташи загубија од Игокеа со 79:72. Резултат по четвртини: 20:16, 12:13, 23:21 и 24:22.

Ова за македонскиот пораз е осми пораз сезонава во АБА лигата. Домаќинот Игокеа во поголемиот дел од натпреварот имаше водство, а само во неколку наварти избраниците на тренерот на МЗТ Скопје Анте Назор беа резултатски равноправни. Во последната четвртина Игокеа постојано беше во водство.

Најефикасен на дуелот беше Џејмс Робинсон од Игокеа со  17 поени, додека кај МЗТ Скопје најпрецизен беше Ѓорѓе Дреновац истотака со 17.

Резултати на натпреварите од 11.коло: Морнар – Крка 86:73, Партизан – Мега 86:79, Карпош Соколи – Цедевита 89:81. Денеска играат уште: ФМП – Будуќност, Цибона – Задар, додека дуелот Олимпија – Црвена Звезда се игра во понеделник.

Табела: Црвена Звезда 10-0 (победи-порази), Будуќност 9-1, Партизан 8-3, Цедевита 7-4, Цибона 6-4, Игокеа 6-5, Мега 4-7, Крка 5-5, Морнар 3-8, Задар 4-6, ФМП 3-7, МЗТ Скопје А. 3-8, Карпош Соколи 2-9, Олимпија 3-6.