Абот: Штетата од „харви“ меѓу 150 и 180 милијарди долари

Гувернерот на Тексас Грег Абот изјави денеска дека штетата од ураганот Харви се проценува на сума меѓу 150 и 180 милијарди долари.

– Географската област и населението погодено од ураганот и поплавите се многу поголеми од оние погодени од ураганот Катрина за кои беа потребни 120 милијарди долари, изјави Абот во интервју за Фокс њуз.

Сумата за која зборува Абот е околу 20 пати повисока од почетната од 7,85 милијарди долари кои минатата недела ги побара американскиот претседател Доналд Трамп од Конгресот.