Акција на засадување дрвја
Во организација на граѓанската иницијатива „Денови на колективно садење дрвја во Македонија“, денеска на јавната површина до скопската гимназија Зеф Љуш Марку ќе се спроведе акција на засадување дрвја.
Настанот е поддржан од Град Скопје, Јавното претпријатие Паркови и зеленило од Скопје и од Халк банка Македонија која ги обезбеди садниците за јавната површина, а кои се резултат од реализираните активности на граѓаните кои ја користат мобилната апликација HalkEco преку која банката ги поттикнува граѓаните на поголема физичка активност и како одговор на нивната активност засадува дрвја.
Во акцијата на засадување дрвја ќе се вклучат граѓани волонтери, а присуство најавија и вработените од хотелот „Мериот“ од Скопје.
Акцијата „Денови на колективно садење дрвја во Македонија на 26 и 27 Октомври“ е граѓанска иницијатива. Започната е со идејата дека секој може да засади дрво и со тоа да придонесе за подобрување на сопственото опкружување и во борбата против климатските промени.
Во акцијата се приклучија повеќе училишта од земјава кои засадувањето на дрвјата го вклучија во нивните еко активности во наставната програма. Садниците за училиштата ги донираат Пакомак од Скопје и Халк банка Македонија.
Ново на Сител
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори