Амбасадорите на западните нуклеарни силио нема да присуствуваат на доделувањето на Новеловата награда за мир

Спротивно на вообичаената пракса, амбасадорите на западните нуклеарни сили годинава нема да присуствуваат на церемонијата по повод доделувањето на Нобеловата награда за мир, која ја доби Меѓународната кампања за забрана на нуклеарното оружје (ИЦАН), соопшти Нобеловиот институт.

- Тие очигледно добиле инструкции да изразат резерви кон ИЦАН и договорот за забрана на нуклеарните оружја, изјави директорот на Нобеловиот институт, Олаф Нјелстад.

Нобеловата награда за мир на 6 октомври и беше доделена на Меѓународната кампања за забрана на нуклеарното оружје (ИЦАН) - коалиција од невладини организации, која работеше на историскиот Договор за забрана на нуклеарното оружје, кој во јули го потпишаа 122 земји.

Значењето на тој документ е пред се симболично, затоа што нукеарните сили одбија да го потпишат.

Нјелстад соопшти дека само рускиот амбасадор ќе присуствува на церемонијата, додека САД, Франција и Велика Британија го известиле дека ќе пратат дипломати од втор ранг од нивните амбасади во Норвешка.

Се очекува на церемонијата, од ралични причини, да не дојдат ниту амбасадорите на Кина, Индија, Пакистан и Израел. Северна Кореја нема амбасада во Осло.