Амнестирани над 31.000 затвореници во Кина

Во Кина се ослободени 31.527 затвореници, меѓу кои и учесници во граѓанските војни во 30-те и 40-те години од минатиот век, по пат на амнестија, која е осма по ред во земјата.

Одлуката за амнестирање на затворениците била донесена во август минатата година, по повод годишнината од завршувањето на Втората светска војна.

Поголем дел од ослободените затвореници биле осудени за криминал, извршен пред тие да наполнат 18 години, а нивните пресуди биле до три годишно отслужување на затворска казна.