Апелација расправа за жалбите за „Тендери“
Апелацискиот суд денеска на јавна седница ги разгледуваше жалбите за мерките за претпазливост изречени од Кривичниот суд за поранешната министерка за култура Елизабета Канческа Милевска која е обвинета во предметот „Тендери“ на СЈО за злоупотреба на службената положба и овластување.
Обвинителот на СЈО, Гаврил Бубевски, побара притвор за да се обезбеди нејзино присуство и заради ефикасност на постапката. Тој побара судиите да ја ценат и висината на предвидената казна за кривичното дело за кое е обвинета.
Канческа-Милевска, пак, изјави дека е изненадена од барањето за мерката притвор. Според неа, не може да стане збор за попречување на постапката. Тврди дека секогаш се јавувала на поканите на СЈО и оти не е виновна за делата за кои е обвинета.
Канческа - Милевска пред Апелацискиот суд се жалеше на одземањето на нејзинот пасош, а СЈО за неопределување на мерката притвор. Случајот „Тендери“ се однесува на набавките поврзани со изградбата на Музејот на ВМРО.
Апелацискиот суд денеска треба да расправа за жалбите на уште две лица обвинети во „Тендери“. За едното СЈО бара притвор, а за друготот мерки за претпазливост.
Апелацискиот суд досега ги одби сите поднесени жалби на решенијата на Кривичниот суд во врска со предметите на СЈО.
Ново на Сител
-
Претрес во Кондово, пронајден пиштол, лишено од слобода едно лице
-
Вишиот суд во Нови Сад утре ќе ја објави одлуката за обвинението за падот на настрешницата
-
Студентите на Правниот факултет во Скопје после 15 години го промовираа првото стручно списание
-
Сообраќајка пред влезот на Влае, се судриле три возила
-
Инвеститорот којшто урна ѕид од станбена зграда ќе биде соодветно казнет, велат од Општина Ѓорче Петров
-
Казнета кланица поради непочитување на законски одредби за нештетно отстранување на нус производи по колење
-
Сите основни училишта во државава ќе добијат примерок од македонскиот Правопис
-
МВР: Секторот за компјутерски криминал презема мерки за истраги и справување со „фишинг“ - напади