Арнаутовиќ: Не чека тежок натпревар, Македонците се квалитетни и со поддршка од целата нација
Ѕвездата на австрискиот состав Мaрко Арнаутовиќ истакна дека неговите соиграчи се свесни за квалитетот што го поседува македонската фудбалска репрезентација и во ниту еден момент нема да го потценат противникот.
– Македонците се опасен тим и мораме да ги респектираме. Ако ги потцениме ќе имаме тешка вечер, изјави Арнаутовиќ за австриските медиуми, спроти дуелот против македонската репрезентација в недела од 18 часот во Букурешт, во рамки првото коло од групата Ц на ЕУРО2020.
Арнаутовиќ посочи дека Австријците се подготвуваат за тежок натпревар против репрезентација, која е полна со самодоверба и ја ужива поддршката од целата нација. Австрија два пати го совлада македонскиот состав во квалификациите за ЕУРО2020, но, според Арнаутовиќ натпреварот в недела ќе биде сосема поинаков.
– Овој натпревар ќе биде различен од тие во квалификациите. Македонија ќе биде полна со самодоверба, бидејќи тие за прв пат сега се тука. Целата држава ќе биде зад нив. Но, ние не треба да се фокусираме на нив, тука да го свртиме фокусот кон нас самите и да се држиме до нашата игра, изјави Арнаутовиќ.
Посочи дека Македонија има многу квалитетни играчи, вклучувајќи го, како што кажа, неговиот многу добар пријател Горан Пандев.
– Многумина го отпишуваат поради годините, но тој и натаму прокоси и покажува колку сè уште е квалитетен играч, додаде Арнаутовиќ.
Ново на Сител
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден