Арсовски: Македонскиот културен центар во Благоевград ќе биде отворен до крајот на годината
Македонскиот културен центар во бугарскиот град Благоевград се планира да биде отворен до крајот на годината, а неговото име ќе се определи во комуникација со нашиот Институт за национална историја, информира владиниот портпарол Душко Арсовски на денешната прес-конференција во Владата.
– Премиерот Димитар Ковачевски минатата недела најави дека планира да го запознае својот бугарски колега Кирил Петков дека како Влада во текот на оваа година имаме намера да отвориме нов културен центар во Благоевград, изјави Арсовски одговарајќи на новинарско прашање кога ќе биде отворен нашиот културен центар во Благоевград.
На прашање до каде се проверките на Владата за легитимноста на постоењето на бугарскиот клуб „Иван Михајлов“ во Битола, Арсовски посочи дека се собираат информации за начинот на кој е регистриран тој клуб.
– Очекуваме во најскоро време работите да бидат појасни за што јавноста ќе биде информирана. Тоа што е важно е дека се разгледуваат повеќе опции и институциите ќе постапат соодветно во овој случај, додаде Арсовски.
Вториот владин портпарол Муамет Хоџа информира дека во Софија на 14 април се одржала средба на Мешовитата комисија за изградба на новиот граничен премин Клепало на границата меѓу Северна Македонија и Бугарија, помеѓу Берово и Струмјани, додека „пред две-три недели“ во Скопје е одржана и средба на работната група број 3 за Европската унија.
– Во Софија на 22 март се одржа средба на работната група број 4 за култура, наука, образование, млади и спорт, додаде Хоџа, одговарајќи на новинарско прашање по прес-конференцијата на која беа соопштени одлуките од последната владина седница.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ