Асфалтирање на неколку локации во Крива Паланка

Локалните власти од општина Крива Паланка го заврија асфалтирањето на јавниот паркинг на улица „Херој Карпош“, кај населба Бавчалак, на самиот влез во населбата наспроти т.н. Шанин мост.

 

Се работи за локација со вкупна површина од околу 350 метри квадратни со која ќе се надоплни паркинг-просторот во овој реон од централното градско подрачје, а ќе им послужи и на локалните жители, како и на оние кои гравитираат во локалитетот кој води кон магистралниот пат А2.

 

Активностите се во рамки на Програмата за тековно одржување на локална патна инфраструктура, реконструкција и рехабилитација на истата како и крпење ударни дупки на сообраќајници во општината.

Во рамки на истата Програма извршено е и асфалтирање на дел од улицата „Ратко Минев“ во должина од 150 метри со просечна ширина од 3,5 метри.

Изведувач на градежните работи е градежната фирма „Лабино-Трејд“ од Гостивар.