Атина: Бегалците ќе го напуштат Идомени за една до две недели

Бегалците кои сега се наоѓаат на преминот Идомени на грчката страна од границата кон Македонија, доброволно ќе го напушта ова место за една до две недели и ќе бидат преместени во некој од организираните прифатни центри, изјави синоќа портпаролот на грчкото Координативно тело за справување со бегалската криза, Јоргос Кирицис.

Како што јави АНА-МПА, Кирицис нагласи дека полицијата нема насила да ги отстранува бегалците, туку дека ќе ги информира за затворањето на балканската багалска рута и дека не ќе може да заминат на север, за што ќе биде потребно извесно време. 

- Веруваме дека Идомени ќе биде испразнет за една до две недели, рече Кирицис.

Тој потенцира дека во Идомени се наоѓаат околу 12.000 луѓе, од кои половината жени и деца, кои престојуваат кал.

- Ќе ги охрабриме да велзат во автобусите што ќе ги пренесат на места каде има подобри услови за живот, рече портпаролот на грчкото Координативно тело за справување со бегалската криза,

Кирицис нагалси дека дислокацијата на бегалците ќе биде поврзана и со договорот што ЕУ ќе го постигне со Турција околку реадмисијата на имигрантите кои сега се наоѓаат на грчка територија.  

Грчките власти синиоќа соопштија дека депортирале 81 економски имигрант од Пакистан и држави од северна Африка во Туцрија, од каде тие илегално влегле во Грција.