Австралија во преговори со Иран да врати илјадници бегалци

Австралија се надева дека ќе врати во Иран илјадници бегалци согласно договор што во моментот е предмет на преговори со Техеран.

Преговорите меѓу министерката за надворешни работи Џули Бишоп со иранскиот колега Мохамад Џавад Зариф се во напредна фаза и се очекува следната недела да биде потпишан договор, по што Техеран нема да се откаже да ги прифати назад иранските бегалци кои не сакаат да се вратат во татковината.

– Сакаме луѓето кои не одговараат на правилата за давање азил да се вратат доброволно во државата, соопшти Кабинетот на министерката.

Согласно договорот Австралија сака гаранции од Иран дека луѓето вратени во татковината нема да бидат казнети или под истрага. Со договорот може да бидат погодени околу 9.000 Иранци кои според Австралија не се бегалци туку економски мигранти.