Бан: Нема да се кандидирам за претседател на Јужна Кореја

Поранешниот генерален секретар на Обединетите нации Бан Ки-мун објави денеска во Сеул дека нема да се кандидира за претседател на Јужна Кореја и оти се повлекува од политиката.

Бан ова го изјави на прес-конференција во Парламентот по состанокот со лидерите на конвезрвативните партии, јави јужнокорејската агенција Јонхап. 

- Се повлекувам од политиката. Жал ми е што разочарав многу луѓе, рече Бан.

Тој нагласи дека е разочаран од потезите на политичкиот естаблишмент во земјата, но не изнесе повеќе детали. 

Бан во Јужна Кореја се врати минатиот месеци и се очекуваше дека ќе се кандидира на овогодишните претседателски избори.