Барселона тужи новинар за расистички навреди кон Фати

 Барселона ќе го тужи шпанското издание „АБЦ“ и новинарот Салвадор Сострес, пишува „Мундо Депортиво“. Причина за скандалот беше колумната на Сострес за натпреварот помеѓу Барселона и Ференцварош (5:1) во Лигата на шампионите.

– Има нешто во стилот на трчање на Ансу што изгледа како газела или млад црн мантеро (шпански збор за уличен продавач на нелегална стока), напиша Сострес.

Соиграчот на Фати, Антоан Гризман, беше еден од многуте кои вднаш реагираа.

– Ансу е исклучителен млад човек кој заслужува иста почит како и секое човечко суштество. Не за расизам и не за лошо однесување, порача Гризман.

„АБЦ“ побрза да пушти извинување од Сострес.