Бектеши: Храна има доволно, трговците да ги почитуваат одлуките за цените
Министерот за економија Крешник Бектеши им порачува на граѓаните дека има доволно храна во земјава за неколку месеци, а на трговците да ги почитуваат одлуките на Владата за цените на производите. Најавува скоро замрзнување на цените на јужното овошје, за што е донесена предлог-одлука.
-Ги убедувам сите граѓани дека имаме доволно храна не само во моментот, туку и за наредните месеци што следуваат. Ние не можеме да предвидиме колку ќе трае вирусот, колку ќе траат забраните, но секако сме обезбедени со снабдување на прехранбени производи во нашата држава, рече Бектеши во одговор на новинарско прашање на денешната прес-конференција во Владата.
Тој потсети дека Министерството за економија првично презеде мерки кои се однесуваат на замрзнување на цените на одредени производи, посебно на основните прехранбени производи и соодветно на своите надлежности забрани и извоз на брашно и пченица за други држави. Ги повика компаниите да не ја користат можноста за правење профит, бидејќи, како што кажа, сега не е време за тоа.
-Би сакал да ги повикам сите компании посебно големите и малите трговци, но истовремено и производителите на прехранбени производи да ги почитуваат одлуките од Владата за цените, бидејќи одлуките се конкретни, концизни и прецизни. Државниот пазарен инспекторат (ДПИ) работи – ги прави соодветните контроли, но апелирам граѓаните да пријавуваат неправилностина бесплатниот телефонски број 191, рече Бектеши и додаде дека ДПИ веднаш по пријавувањето ќе интервенира согласно капацитетите што ги има.
Посочи дека ДПИ дополнително ќе ги провери трговците откако ќе заврши вонредната состојба и ќе има соодветни казни за непочитување на одлуките на Владата согласно законите во нашата држава.
-Веќе е донесена предлог-одлука за замрзнување на цената на јужното овошје, а ДПИ прави соодветни контроли посебно за големите трговци кои ги увезуваат споменатите производи, потенцира Бектеши.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово