Бектеши: Огромни парични средства се бараат од државата во арбитражните постапки
Кон државата има огромни парични побарувања од инвеститорите за арбитражните постапки кои се во тек. Побарувањата на само една од арбитражните постапки надминува 300 милиони евра, потврди денеска министерот за економија Крешник Бектеши.
– Подготвени сме за сите арбитражни постапки и веќе имаме адвокатски куќи кои не претставуваат, но истовремено направивме и оперативен план. Убеден сум дека повеќето од арбитражните постапки веќе сме ги победиле, а Казандол и ОКТА се во тек и се во фаза на подготовка на документацијата, рече Бектеши во одговор на прашање на денешната прес-конференција во Владата.
Тој нагласи дека е убеден оти повеќето од постапките ќе завршат позитивно за државата и додаде дека во моментов се водат преговори со ОКТА за изнаоѓање вин-вин ситуација и за компанијата и за државата. За барањето на Еуромакс за раскинувањето на концесијата за рудникот Казандол посочи дека во моментов е пред Управен суд.
Предложените амандмани на пратеникот Сурија Рушити со кои се бара да се вградат филтри во термоелектраната Осломеј ги оцени како несоодветни бидејќи, како што кажа, АД ЕСМ има сопствен буџет кој не е поврзан со буџетот на државата поради што Собранието не може да носи одлуки за нивните инвестиции.
– На таков начин не може да се интервенира за да се вградат филтри во ТЕЦ Осломеј, рече Бектеши.
Тој нагласи дека Владата работи напорно за да се најде начин да се модернизира термоелектраната.
-Термоелектраната Осломеј работи помалку од три месеци годишно и прави големи загуби за ЕСМ. Работиме напорно да се најде начин за нејзина модернизација и да работи подолг временски период во годината за да не продуцира загуби за ЕСМ, потенцира Бектеши.
Ново на Сител
-
Во Струга до 17 часот излезноста за претседател 23 проценти, за парламентарните избори 35 отсто, во Вевчани над 63 проценти
-
Двајца фаворити на изборите во Бугарија се на американската црна листа
-
Во Куманово за претседателските избори, излезеноста до 17 часот e 37,66, за парламентарните е 44,82 отсто
-
Во Југоистокот продолжува трендот на најголема излезност во Дојран и Гевгелија, најмал во Радовиш
-
Во Штип излезноста до 17 часот е над 48 отсто на двојните избори
-
Излезноста до 17 часот за претседателски избори е 42,32%, за парламентарни 46,93%
-
Пет лица повредени откако од патот излета возило со албански регистрации во Струшко
-
Во Охрид до 15 часот гласале околу 38, во Дебрца околу 37 отсто од гласачите