Берлин ќе донира дополнителни средства за обнова на Сирија и Ирак
Германската Влада одвои 235 милиони евра кои ќе бидат донирани за хуманитарна помош и спроведување на мерки за обнова на Сирија и Ирак, изјави за весникот „Франкфуртер алгемајне цајтунг“ германскиот министер за надворешни работи Зигмар Габриел, кој претходните денови учествуваше на конференцијата на антитерористичката коалиција против „Исламската држава“ во Вашингтон.
Како што пренесува дописникот на МИА од Берлин, Габриел ги пофалил резултатите од борбата против терористичката организација Исламска држава и побарал од коалицијата земји што се борат против исламските милитанти повеќе активности за обнова на електричните системи, водоводи, изградба на училишта и создавање на работни места.
Целта на Германија, каде во последниве 20 месеци пристигнаа над 1,2 милиони, најгоем дел од Сирија и Ирак, е во овие две земји по завршување на конфликтот да се вратат сите луѓе кои најдоа прибежиште во Европа.
- Германија веќе е дел од мерките за стабилизација, а оваа година ќе продолжиме со помошта за овие две земји. Во Вашингтон ветивме дополнителни 235 милиони евра за луѓето во Сирија и Ирак за хуманитарни цели и за стабилизација, изјави Габриел за весникот.
Во Вашингтон деновиве членките на 68 земји на Антитерористичка коалиција разговараа за идните мерки кои што треба да бидат преземени во регионот каде што е активна ИД и други радикални исламски воени групи.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници