Бесплатно изучување на хрватскиот јазик во Куманово

Хрватската заедница во Македонија, огранок Куманово, и годинава по осми пат организира бесплатни часови за изучување на хрватскиот јазик.

Оваа година, освен членовие на хрватската заедница, на наставата можат да се пријават сите заинтересирани за изучување на хрватскиот јазик. Наставата, како и претходните години ќе се реализира во основното училиште „Браќа Миладиновци“, а ќе започне на 16 септември, информираа денеска од огранокот.

-Изучувањето на хрватскиот јазик го финансира Министерството за образование од Хрватска. Oсновна цел е членовите на заедницата да го изучат својот мајчин јазик, но и воопшто оние кои се заинтересирани да го научат хрватскиот јазик, информира претседателот на огранокот на хрватската заедница, Иван Шеркиниќ и додаде дека наставата ќе ја изведува професор по хрватски јазик.

На факултативното изучување на јазикот можат да се пријават лица на возраст од 7 до 18 години. Часовите се оддржуваат секоја втора недела, обично во саботите. За дополнителни информации, заинтересираните можат да се обратат до огранокот или да се информираат на веб страната на Заедницата на Хрвати во Македонија.