БИБЛ лига: Фени Индустри брани 3 поени предност против Теодо за место во 1/2-финалето

 

Во регионалната кошаркарска Балканска лига (БИБЛ) денеска ќе се одигра првиот реванш натпревар од четвртфиналната фаза. 

 

Македонскиот претставник Фени Индустри ќе има тешка задача на гостувањето во Црна Гора кај Теодо против кој во попладневниот меч ќе брани три поени предност, остварени на првиот меѓусебен дуел во Кавадарци каде Фени Индустри забележа победа со 100-97.

 

Натпреварот кој ќе се игра во Тиват ќе започне од 18 часот и 30 минути, а подобриот тим во севкупната пресметка ќе се пласира во полуфиналето во кое за противник ќе ја има бугарската екипа Берое. 

 

Утревечер во Гевгелија, екипата на Кожув ќе има уште потешка задача во дуелот против тимот на Пеќ, имајќи в предвид дека на првата средба гевгелиската екипа загуби со 17 поени разлика. Доколку Кожув успее да ја анулира оваа висока негатива тогаш во полуфиналето за противник ќе ја има екипата на Куманово. 

 

Средбата во Гевгелија ќе се игра во терминот од 19 часот.