Билансот на загинатите во свлечиштето во Гватемала достигна 131 лице

Билансот на загинатите во свлечиштето во населено место крај главниот град на Гватемала достигна 131 лице, а уште 300 лица и натаму се водат како исчезнати, изјавија претставници на спасувачките служби, јави БТА. 

Несреќата се случи ноќта спроти петокот, а спасувачките операции времено се прекинати поради поројните дождови во регионот на местото Санта Катарина Пинула, на 15-тина километри од главниот град Гватемала Сити. 

Во спасувачките операции учествуваат 892 лица и 80 машини за расчистување на теренот. 

Во четири часот изутрината според Гринич истече 72-часовниот рок, во рамките на кој се претпоставуваше дека може да се пронајдат преживеани лица.