Битола ќе добие модерен стадион
Градоначалникот на Битола Владимир Талевски и лидерот на ВМРО-ДПМНЕ Никола Груевски денеска извршија увид во реконструкцијата на Градскиот стадион во Битола со што ќе му се зголеми капацитетот на 12.000 гледачи.
- Долги години слушавме барања од страна на навивачите на Пелистер, но и од сите граѓани дека Битола е запоставена во делот на Градскиот стадион. По долго време се направи една финансиска конструкција од две страни, од општината која инвестира 5.400.000 евра во градба на северната трибина, а јужната веќе постои. А ФФМ излезе во пресрет, го направи теренот и инвестираше во негово средување што е направено по највисоки меѓународни стандарди. Се работи за инвестиција од 800.000 евра, рече Груевски.
Најави дека наскоро ќе започне градба на двете трибини зад головите. Планирано е да се завршат до крајот на годината, има обезбедено и осветлување кое ќе стави веднаш штом се овозможат услови затоа што во моментот е раскопано. Груевски додаде дека стадионот ќе може да се користи и за меѓународни натпревари. Северната трибина треба да се доизгради до следната година, а во втората половина од следната година ќе може да се играат меѓународни натпревари.
- Ова ќе дојде како исполнување на едно големо барање на битолчани, потенцира Груевски.
Талевски информира дека е изградена јужната трибина со капацитет од над 4.000 гледачи, а во моментов се гради северната трибина исто така со капацитет од над 4.000 гледачи. Таму ќе бидат сместени соблекувалните, туш кабините, ВИП просторот, простор за медиумите и сите други содржини предвидени според критериумите за меѓународни натпревари.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата