Бока шампион на Аргентина

 

 

Фудбалерите на Бока Јуниорс со минималната победа (1:0) над Тигре, на коло пред крајот, ја обезбеди шампионската титула во Аргентина. Единствениот гол на натпреварот го постигна Фабиан Манзон.

 

Бока ја освои 31-та титула во клупската историја, а повеќе шампионски титули има градскиот ривал Ривер Плејт (36). Инаку, Бока има можност да ја освои двојната круна, бидејќи наскоро ќе игра во финалето на Купот против Росарио Централ.

 

Карлос Тевез кој оваа сезона одби понуди на неколку европски великани само за да се врати во Бока, емотивно го преживеа освојувањето на титулата.

 

„Имам освоено многу титули, но оваа е посебна. Поради ова се вратив во Бока, поради ова се живее. Многу ми е тешко сега да зборувам“, рекол Тевез.